गैरीमा खेत रोपाइँ आज माल्दाजु आएर ।
खनीमा खाेस्री तयार गर्छन् डबली साएर।
जेठको मैना राखेको बिउ हुर्कदै आएछ।
हलक्क बढी रमित लाग्ने ब्याडैमा भएछ।
(१)
याे हाम्रा बाको अधेरी खेत काबेली कुलाेले ।
सिचाई गरि आँठा अँचिला खनेर कुटाेले ।
दुईमाना छरी दुई मुरी अन्न भूमिको कमाल ।
हामीलाई पाल्ने एधर्ती माता तिमीनै समाल ।
(२) होरे हो हो....
हल्गोरु जाेत अम्मरे दाइ बाउसे आउँदै ।
माथिहै बाट रोपार झर्छन् असारे गाउँदै ।
रिमिर झिमी पानी लाई परे घुमैले छेलौंला ।
सिम्लेको खेत असार जेठ हिलाेमा खेलौंला ।
(३)
छोटोमा छोटो फरियाँ लाई धान् राेप्न झरेकि ।
हातमा आँसी दुई चुल्ठी बाटी चिटिक्क परेकि ।
असार पन्द्र दही च्यूरा खाने आलिमा बसेर ।
ती साइँली आमा बेँसीमा झरिन् कम्मर कसेर ।
(४)हो रे हो हो.....
असार मैना रोपेकाे धान मार्गमा काटौंला ।
साईँली सँग खेतला जाँदै लगन गाँसौंला ।
ए ठूली दिदी छिटोमा गरि घरमा जाउँला ।
साझको बेला उकालो बाटो फर्केर आउँला ।
(५)
शारदा कार्की
विराटनगर
