वातावरण
भूगोल
प्रकृति
गाउँ
सहर
घरछिमेक
बजार
देशविदेश
भान्सा
अस्पताल
विद्यालय
जङ्गल
नदीनाला
जता हेर्यो उतै
कहालीलाग्दो छ
परिस्थिति
अवस्था
चिन्ताजनक छ
भूगोलमा
पहिरो छ
बाढी छ
दोहन छ
प्रकृतिमाथि
मान्छेको अतिक्रमण छ
मौसम नियमित छैन
हिउंँद,वर्षाजस्तो
र वर्षा,हिउँदजस्तो छ
गाउँ
सहर
र सहर
गाउंँजस्ता छन्
भोगविलास
आलस्य बढेको छ
बस्ती खाली छन्
घरआँगन रित्ता छन्
खेतबारी बाँझै छन्
बाँंदर
बाघभालुको
आतङ्क छ
भान्साबाट
दाउरा हटेका छन्
ग्याँस चुल्हा बल्छ्न् अचेल
भातको सट्टा
चाउचाउ
मम
सागको सट्टा
विकासे कुखुरा
र अन्डा पाक्छ्न् अचेल
अस्पताल
नाफामुखी छन्
विद्यालय
नाफाका लागि छन्
बजार विदेशी छ
भेषभूषा अनौठा छन्
मठमन्दिर
लागुऔषधका केन्द्र छन्
छिमेकीसँग
बोलचाल छैन
नातासम्बन्ध हराए
छोराछोरी
विदेशमा
बुढा बाउआमा एक्लै छन्
सामाजिक सद्भाव
शून्यमा झरेको छ
सदनदेखि
सडकसम्म
चौतर्फी
हल्ला छ
फाटो छ
निराशा छ
महङ्गी छ
असन्तुष्टि छ
भ्रष्टाचार छ
ठगी छ
कालोबजारी छ
चिच्याहट छ
कतै सुख्खा छ
कतै बाढी छ
अब
वातावरण छैन
वातावरण शब्दको
कुनै अर्थ छैन
यो शब्द
बेकामे भइसकेको छ
यसको अर्थ
र महत्त्व
कसैले बुझ्दैन
तसर्थ
वातावरण शब्द
शब्दकोशबाट
हटाउनु पर्छ
र अर्थ बुझ्नेहरू
ढुक्क निदाउनु पर्छ ।।
• देवी पन्थी
विराटनगर ११
