धनकुटा।धरानबाट भोजपुरतर्फ जाँदै गरेको यात्रु बाहक बस सोमबार बिहान सवा १० बजे धनकुटा–६ स्थित गोठगाउँमा दुर्घटना हुँदा एक जनाको मृत्यु भएको छ। भने १३ जना घाइते भएका छन् ।

को १ ख २१७७ नम्बरको यात्रुवाहक बस अनियन्त्रित भएर दुर्घटना भएको प्रहरीले जनाएको छ ।

धनकुटा बजारबाट करिब ३ किलोमीटर नजिक सडकबाट करिब ५० मिटर तल खसेर दुर्घटना भएको जनाइएको छ । घाइतेमध्ये चार जनाको अवस्था गम्भीर रहेको बताइएको छ ।

मृत्यु हुनेमा धनकुटा नगरपालिक–६ की ७३ वर्षीया कृष्णकुमारी राई भुजेल रहेको प्रहरी प्रवक्ता डीएसपी ओमप्रकाश खनालले जानकारी दिएको छ । उनको धनकुटा जिल्ला अस्पतालमा उपचारका क्रममा बिहान ११ः ४५ बजे मृत्यु भएको हो ।अन्य घाइतेहरुको उपचार भइरहेको छ।