सुन सरकार ! के भन्छ जनता ?
हाम्रा धैर्य टुट्दैछ अब त ।
शिक्षकको आवाज सुन कान खोलेर पहिले
यो देशको गुरुवर्ग सडकमा छ अहिले ।
कक्षाकोठा भर्ने बेला रित्तो पार्न लायौ शैक्षिक गुणस्तरका कुरा लड्डुसरी खायौ।
गुरुवर्ग सडकमा ओछ्यायौ
शिक्षा बेची कमिसन पछ्यायौ ।
पञ्चायती सरकार ढाल्यौँ अधिकार खोज्दै
तन्त्रैतन्त्र अभ्यासमा गणतन्त्र रोज्दै । विकेन्द्रित शासनसत्ता संघीयताभित्र
गाउँ गाउँमा सिंहदरबार, के पायौं खै मित्र?
माछो माछो भ्यागुतो करायो
गुरुजनको मर्यादा हरायो ।
पेशागत हक हित खै? वृत्ति विकास खै त? दरबन्दी खै ६० हजार? पूर्ण बजेट खै त? कति जोत्छौ भोको पेटमा तलव चतुर्मास
छैन उच्च मनोबल, घटाइ सक्यौ आश । बालविकास, अनुदान, राहत
कर्मचारी सबै छन् आहत ।
यो राज्यको दायित्वमा शिक्षा पर्दैन कि ! रोजगारी खै? सिप, उद्योग केही गर्दैन कि !
युवा जति खाडी पुगे, गाउँ रित्तो पारी
कहाँ कमजोर भयो शिक्षा? ऋणकै छ भारी कता फाल्यौ विधेयक मस्यौदा ?
खोस्टो होइन विगतको सम्झौता ।
तिम्रो सत्ता हल्लाउने ताकत छ हाम्रो
शिक्षा ऐन लागू गर्न किन हुन्छौ चाम्रो ? चिन्दैनौ के हाम्रो शक्ति, कति पानीमा छौ?
विद्रोहको राँको बाल्न गोलबद्ध भा'छौं।
धेरै सह्यौं निरीह ठान्यौ कि ?
समुद्रलाई खहरे मान्यौ कि ?
निर्मला कोइराला
विराटनगर
नेपाल शिक्षक संघ
महासचिव
