अँध्यारोमा छामछुम गर्दै
आफ्नोलागि अनुकूलहुने
भौतिक अभौतिक अनि
आर्थिक दृष्टिकोणले
हितकारी भण्डारमा छापा मारेर
पोको पार्न र कुम्ल्याउन
खप्पिस खेलाडीहरूको
निश्चय पनि,
उज्यालोमा आँखा तिर्मिराउँछ नै!
त्यसैले त आफ्नो नजर परेका
उज्याला र चम्किला दीपहरूलाई
फू गरेर फुकेर होस्
वा बलिरहेको बाती निमोठेर होस्
अथवा पाखा लाग्नेगरी
भुक्क लात्तीले हानेर होस्
त्यो चम्किलो दीप त आखिर
निभाएर छाड्छ नै!
चाहे तो सहस्रलाई उज्यालो प्रदानगर्ने
आशाको ज्योति होस्
अथवा देशको मान राख्ने
कुलको मान निमोठेर किन नहोस्!!
-प्रमोद भट्टराई 'प्रतीक'
काठमाडौ भक्तपुर
