बेलबारी।मोरङ कोसी साहित्य–कला परिषद् नेपालको पहिलो साधारण सभा सम्पन्न भएको छ । आइतबार बेलबारी बहुमुखी क्याम्पसको सभा हलमा एक कार्यक्रम गरेर संस्थाले आफ्नो पहिलो साधारण सभा सम्पन्न गरेको हो ।
सामाजिक व्यक्तित्व तथा अग्रज स्रष्टा हर्कमान तामाङ प्रमुख अतिथि रहेको उक्त कार्यक्रममा झापा, मोरङ तथा सुनसरीका विभिन्न पालिकाका भाषा, साहित्य, कला तथा संस्कृतिका क्षेत्रमा काम गरिरहेका स्रष्टा÷कलाकारहरूको उपस्थिति रहेको थियो । उक्त सभाले केशु विरहीको अध्यक्षतामा ११ सदस्यीय नयाँ कार्य समितिको चयन गरेको छ । समितिको उपाध्यक्षमा विष्णु भण्डारी आचार्य, सचिवमा नवराज पोखरेल ‘नवशिला’ सहसचिवका गीता कुलुङ राई, कोषाध्यक्षमा चिरञ्जीवी काफ्ले चयन भएका छन् । त्यस्तै समितिका सदस्यहरूमा प्रिन्स प्रमोदकुमार ढकाल, खेमचन्द्र अधिकारी, मनोस विश्वकर्मा, नवीन थापा क्षेत्री, अम्बिकाप्रसाद कोइराला ‘अकेला’, एकराज भट्टराई रहेका छन् ।
कार्यक्रममा आ.व. २०८२\०८३ को संस्थाको प्रगति प्रतिवेदन अध्यक्ष केशु विरही र आर्थिक प्रतिवेदन कोषाध्यक्ष चिरञ्जीवी काफ्लेद्वारा प्रस्तुत गरिएको थियो ।
कार्यक्रममा हर्कमान तामाङ, अमृतप्रसाद आचार्य, धनजित पराजुली, तिला लेकालीलगायतका स्रष्टाहरूको शुभकामना मन्तव्य रहेको थियो ।
कार्य समितिको अध्यक्षमा चयन भएलगत्तै संस्थाका अध्यक्ष विरहीले पहिलो कार्यकालमा संस्थाको दिगो विकासका लागि स्पष्ट आधार तयार पार्ने बताए । यसअघि तदर्थ समितिका अध्यक्षसमेत रहेका विरहीले संस्थाको पहिलो बैठक बसेर आगामी कार्यक्रमको तय गर्ने बताउँदै आफ्नो जोड भनेको सबै स्रष्टा÷कलाकारलाई अटाउने एउटा साझा संस्था बनाउने रहेको बताए ।
स्मरण रहोस् यस संस्थाले भड्किलो तथा खर्चिलो साहित्यिक कार्यक्रमलाई मितव्ययी बनाउन खादा मालाको प्रयोग नगर्ने, मञ्चलाई अतिथि आसनका लागि नभएर कार्यक्रमका लागि मात्र प्रयोग गर्ने, संस्थालाई साझा चौतारीका रूपमा विकास गर्ने, निशूल्क बौद्धिक कार्य नलाउने, कुनै पनि राजनीतिक पार्टीको कार्यकारी पदमा रहेका व्यक्तिलाई नेतृत्वमा नल्याउने आदि कार्यको थालनी गरेर साहित्यमा पुराना मान्यतालाई तोड्दै नयाँ मान्यता स्थापित गरेको छ ।
