विराटनगर।विराटनगरका पत्रकार विनोद भण्डारी झिलकुमारी लुइँटेल पत्रकारिता पुरस्कारबाट पुरस्कृत भएका छन् ।
भण्डारी लामो समयसम्म कान्तिपुर दैनिकमा विराटनगर समाचारदाताको रूपमा काम गरेका वरिष्ठ पत्रकार हुन् । यतिखेर भण्डारी अनलाइन मिडियामा आबद्ध रहेर काम गरिरहेका छन् ।
नारदमुनि–पवित्रादेवी लुइँटेल स्मृति कोषले मोरङको झोराहाटमा आयोजना गरेको विशेष समारोहमा भण्डारीलाई ११ हजार १ सय ११ रुपैयाँ राशिको झिलकुमारी लुइँटेल पत्रकारिता पुरस्कार प्रदान गरिएको थियो ।
कार्यक्रमका प्रमुख अतिथि नेपाली कांग्रेसका सिनियर नेता एवं पूर्वमन्त्री महेश आचार्य र नारदमुनि–पवित्रादेवी लुइँटेल स्मृति कोषका अध्यक्ष एवं सिनियर पत्रकार शंकर लुइँटेलले भण्डारीलाई नगद सहित प्रशंसा–पत्र प्रदान गरेको थियो ।
