विराटनगर।चितवन, नेपाल सरकारले कतारलाई उपहारस्वरूप पठाउन लागेको दुई वटा हात्ती रुद्रकली र खगेन्द्रप्रसादलाई आज चितवनको सौराहाबाट औपचारिक रूपमा बिदाइ गरिएको छ। बिदाइ कार्यक्रममा सम्बन्धित निकायका प्रतिनिधि तथा स्थानीय सरोकारवालाहरूको उपस्थिति रहेको थियो।
वन्यजन्तु संरक्षण र कूटनीतिक सम्बन्धलाई सुदृढ बनाउने उद्देश्यसहित कतार पठाउन लागिएका यी दुई हात्ती हाल आवश्यक तयारी र स्वास्थ्य परीक्षणको प्रक्रियामा रहेका छन्। जस अनुसार, रुद्रकली र खगेन्द्रप्रसाद दुई छावा आगामी पुस २ गते भैरहवा विमानस्थलबाट कतारतर्फ उडान गर्नेछन्।
नेपाल र कतारबीचको मैत्रीपूर्ण सम्बन्धलाई थप मजबुत बनाउने विश्वाससहित हात्ती उपहार आदान–प्रदान गरिएको सम्बन्धित अधिकारीहरूले बताएका छन्।
