विराटनगर । झापामा एक युवा आफ्नै कारमा आगजनी गरेर फरार भएका छन् ।
शिवसताक्षी नगरपालिका–१० का सरोज शर्माले बिहीबार बाग्मती प्रदेश ०१–०३ च ७१९४ नम्बरको आफ्नै कार मेचीनगर नगरपालिका–१३ स्थित हातेमालो सामुदायिक वन उपभोक्ता समुहको जंगलभित्र लगेर आगजनी गरेका हुन् ।
आगजनीबाट कार पूर्ण रुपमा जलेको जिल्ला प्रहरी कार्यालय झापाले जनाएको छ ।
चार दिनदेखि कार लिएर बेपत्ता भएका शर्माले बिहीबार कारमा आगजनी गरेका हुन् । आगजनीपछि उनीको अवस्था अज्ञात रहेको जनाइएको छ । प्रहरीले कारमा लागेको आगो निभाएको छ ।
