विराटनगर।भारतको उत्तर प्रदेश ,बहजोई (संभल)। स्थानीय कवि दीपक गोस्वामी ‘चिराग’को कृति ‘उड्दे पतंग’ को लोकार्पण भएको छ। उक्त कार्यक्रममा देशभरका अनेक साहित्यिक हस्तीहरूको सहभागिता रहेको थियो। वक्ताहरूले समाजमा देखिएका विकृति–विसंगतिहरूप्रति चिन्ता व्यक्त गर्दै तिनको समाधानका उपायहरू प्रस्तुत गरे।
कार्यक्रमका मुख्य अतिथि, बागला कलेज, हातरसका प्राध्यापक डा. राजेश कुमारले भने, “साहित्य एउटा साधना हो। वास्तविक साहित्यकार आफ्ना दुःख–पीडाहरू भुलेर समाजका वेदनाहरू उजागर गर्छ।” उनले ‘उड्दे पतंग’ पुस्तक त्यही सोचको प्रतिफल भएको बताए। उनका अनुसार चिरागले उपदेशात्मक शैलीमा गम्भीर चिन्तन प्रस्तुत गरेका छन्।
कार्यक्रमका अध्यक्ष, वरिष्ठ कवि रूपकिशोर गुप्ताले भने, “गुरुका लागि सबैभन्दा ठूलो उपलब्धि तब हो जब उनको शिष्य गुरुभन्दा अगाडि बढ्छ।” उनका अनुसार लेखक दीपक गोस्वामीले त्यो सफलता हासिल गरेका छन्।
हरिद्वारबाट आएका दिव्य गंगा सेवा मिशनका संयोजक केशव पाण्डेले भने, “बालसाहित्य समाज निर्माणको मेरुदण्ड हो। ‘उड्दे पतंग’ नयाँ पुस्तालाई लक्षित गरेर लेखिएको महत्वपूर्ण कृति हो।”
बी.एम.बी.एल. जैन सेवा न्यासका अध्यक्ष पवन जैनले साहित्यलाई ईश्वर प्रदत्त कला बताउँदै भने, “साहित्य सिर्जना गर्न सकिँदैन, तर त्यसलाई निखार्न सकिन्छ। ‘उड्दे पतंग’ एक प्रेरणादायी रचना हो, जसले समाजलाई अनुशासन र सकारात्मक सोचतर्फ डोर्याउँछ।”
गोरखपुरका कवि नन्दलाल मणि त्रिपाठीले भने, “अनुशासन बिना समाज प्रगति गर्न सक्दैन। ‘उड्दे पतंग’ पुस्तकले यही सन्देश दिन्छ।”
अलिगढका कवि गाफिल स्वामीले कवितामार्फत भने,
“आकाश छुने चाहना बोकेको उड्दे पतंग,
यसलाई उड्द देख्दा मनमा उमंग।”
रामपुरका शिवकुमार चन्दनले भने, “चिरागको कृति ‘उड्दे पतंग’ ले सिकाउँछ — सफलता अनुशासनको भरमा मात्र सम्भव हुन्छ।”ओंकारसिंह ‘विवेक’ले रामचरितमानसलाई माध्यमिक शिक्षा पाठ्यक्रममा समावेश गर्न चिरागले गरेको सिफारिसको समर्थन गरे।
डा. शिवेश्वर दत्त पाण्डेले भने, “चिरागको ‘उड्दे पतंग’ निरन्तर उडिरहोस्, यही हाम्रो मंगलकामना हो।”
बी.एम.बी.एल. जैन कलेजका निर्देशक संभव जैनले भने, “उक्त पुस्तकमा चिरागले ‘खरायो र कछुवाको दौड’ जस्तो प्रसिद्ध बालकथालाई अनुशासनका सन्दर्भमा नयाँ ढंगले प्रस्तुत गरेका छन्। गीता र रामायणका श्लोकमार्फत विषयलाई रोचक बनाइएको छ, जसले यस कृतिलाई सूक्ष्म अनुसन्धानको रूपमा स्थापित गरेको छ।”
कार्यक्रमको दोस्रो चरणमा कविहरूले रसिलो कवितापाठ गरेर वातावरणलाई झन् सजीव बनाए। कवि संभव जैन, सत्यवीर उजाला, डा. सुनीता शंकवार, विष्णु असावा, ज्ञान प्रकाश उपाध्याय, शबनम शर्मा, कुमार अवधेश विद्यार्थी, रमेश मिश्र, राजेश तन्हा, नीरज शर्मा आदि कविहरूले आफ्ना रचना सुनाए।
कार्यक्रमको सञ्चालन अरशद रसूल, अतुल कुमार शर्मा र डा. संदीप सचेतले संयुक्त रूपमा गरेका थिए।
पुस्तकका लेखक ,दीपक गोस्वामी ‘चिराग’**ले कार्यक्रमका सबै आमन्त्रित अतिथि, साहित्यकार र श्रोताप्रति आभार प्रकट गरे।
यस अवसरमा वंश, वंशिका, विमला देवी, मंजू शर्मा, राममूर्ति नाथ, अनुराधा गोस्वामी, बी.एम.बी.एल. जैन कलेजका विद्यार्थी, शिक्षक र सम्पूर्ण स्टाफ उपस्थिति थिए।
