उड्ने सफरमा छ यात्री , डगर पर्खिरहेछ !!
फगत कोही यसरी, जीवनभर पर्खिरहेछ !!
कसैकी भैसकी प्रेमीका,चिठ्ठी सहिद भैसक्यो,
एउटा पागल प्रेमी अझै , उत्तर पर्खिरहेछ !!
कतै माया कतै स्वार्थ देखिन्छ,पर्खाइमा पनि
देश पर्खिन्छ रेमिट्यान्स,घरले खबर पर्खिरहेछ !!
चाँद जस्तै लाग्छ भनि,एकोहोरो हेरेको सम्झिन्छुँ
यो अनुहार आज पनि , तिनै नजर पर्खिरहेछ !!
समय घुमिरहन्छ यति भन्नु छ,देखेर हाँस्नेलाई
अत्तालिएको छैन जिन्दगी, अवसर पर्खिरहेछ !!
अन्जु "अश्रु "
