द्वन्द चलेको छ यहाँ सेता र काला बीच,
को जित्ने थाहा छैन लठ्ठी र भाला बीच।
पच्दैन सत्य यहाँ सुन्दा अनौठो लाग्छ,
छैन मिलाप अहिले चाबी र ताला बीच।
बाहिर सम्बन्ध राम्रो देख्नेले देख्दा मात्र,
छैन घनिष्ठ आजकल भेना र साला बीच।
जल्न त जल्छ बाती मधुर उज्यालो भर्दै,
टकराव देखिन्छ उता बर्तुन र पाला बीच।
देखिन्छ झट्ट हेर्दा साँच्चै मिलेका छन् यी,
मिल्दैन कुरो अचेल आँखा र गाला बीच।
भ्रष्ट दलालहरूलाई गर्दिन भन्छ सम्मान,
ठुलो विवाद छ अहिले गला र माला बिच।
गर्छन् रे ती झगडा म हुँ ठूलो भन्ने निउमा,
छ अरे पानी बाराबार डोका र डाला बीच।
नवशिला।
नवदेव मार्ग, लालभित्ती, मोरङ।
