महान ग्रन्थ हुन् यी
जसका हरफहरूमा सत्य समाहित छ।
झुटाे बाेल्दैन
बाेले लाखाैकाे हत्या हुन्छ ।
कलिला मष्तिष्ककाे कालिगढ हाे
यी शिक्षक हुन् ।
चेतनाकाे मूल बाेकेकाे छ।
छातीभरी देश सिंगार्ने
फूल बाेकेकाे छ ।
केश पाकेर झरिसक्दा पनि
अनुहारमा मुझा परिसक्दा पनि
सिङ्गै राष्ट्र उठाउने विश्वास बाेकेर कुर्लन्छ ।
रगत राष्ट्रलाई भेटी चढाएकाे गर्वमा
छातीभरी स्वाभिमान उर्लन्छ ।
अज्ञानतालाई बमिट गराएर ज्ञान सिंचन गर्दा
आफू सुकेकाे छ ।
सम्मान र प्रतिष्ठाकाे कुरामा
अति नै चित्त दुखेकाे छ ।
अक्षरहरूले शाेषण गरेर
आँखा धमिलिएकाे छ ।
चस्मा किन्ने अाैकात छैन
त्यसै त्यसै मन अमिलिएकाे छ ।
शान्तिकाे अग्रदुत
सद्ज्ञानकाे ज्याेतिपुञ्ज हाे
शाश्वत सत्यकाे उपासक
मस्तिष्ककाे सुन्दर वसन्त हाे ।
विकृति विसङ्गतिकाे एटम वम
चेतनाकाे प्रतिपादक हाे ।
विवेककाे उर्वर शक्ति
सत्यकाे महान् साधक हाे ।
यी शिक्षक, आफू निरीह बाँचेर पनि
ज्ञानकाे सच्चा स्राेत हुन्
भनाैं भने शिक्षक नै देशकाे लागि मरिमेट्ने
याैटा महान सपूत हुन् ।
बिनिता सुवेदी दाहाल
